Çərşənbə, 07 Aprel 2021 16:04

BMT Baş katibi dünya əhalisinə müraciət etdi

BMT Baş katibi dünya əhalisinə müraciət etdi

COVID-19 böhranı cəmiyyətlərimizin nə qədər qeyri-bərabər olduğunu göstərdi. Yoxsulluq, əlverişsiz iş və həyat şəraiti, ayrıseçkilik və sosial təcridin olduğu ölkələrdə COVID-19-a yoluxma halları, habelə bu xəstəliyə görə həyatını itirənlərin sayı digər ölkələrə nisbətən daha çoxdur.

 bunu BMT Baş katibi Antonio Quterreş Ümumdünya Sağlamlıq Günü münasibətilə müraciətində bildirib.

 Baş katibin sözlərinə görə, dünyada peyvəndlərin əksəriyyəti bir neçə zəngin və ya bu peyvəndləri istehsal edən ölkələr üçün ayrılıb:

 “COVAX təşəbbüsü sayəsində daha çox ölkə peyvənd əldə etməyə başlayıb. Lakin aşağı və orta gəlirli ölkələr hələ də gözləmək məcburiyyətində qalıb.

 Bu cür bərabərsizlik heç bir mənəvi dəyərə sığmır və sağlamlığımız, iqtisadiyyatlarımız və cəmiyyətlərimiz üçün təhlükəlidir. COVID-19 pandemiyasından bərpa olunduğumuz bir dövrdə səhiyyə imkanlarından hamının bərabər şəkildə faydalanması üçün müvafiq siyasət yürütməli və lazımi resurslar ayırmalıyıq. Bu, 2030-cu ilədək Dayanıqlı İnkişaf Məqsədlərinə nail olmaq deməkdir.

 Bu həmçinin hər kəsin hər yerdə universal tibbi təminatdan faydalana bilməsi deməkdir.

 Gəlin, bu Ümumdünya Sağlamlıq Günündə sağlam və bərabər dünya üçün birlikdə çalışmaq öhdəliyini üzərimizə götürək”.

Şərh yaz


Məxfi kod
Yenilə