Cümə axşamı, 13 Sentyabr 2018 12:47

Rusiya: Vaşinqtonun təhdidlərinə baxmayaraq İran ilə ticarət əlaqələrini qoruyacağıq

Rusiya: Vaşinqtonun təhdidlərinə baxmayaraq İran ilə ticarət əlaqələrini qoruyacağıq

Rusiya xarici işlər nazirinin müavini deyib: Moskva ABŞ-ın təhdidlərinə baxmayaraq, İran ilə ticarət əlaqələrini qoruyacaq.

Rusiya xarici işlər nazirinin müavini Sergey Ryabkov çərşənbə günü Təsnim xəbər agentliyinə verdiyi müsahibədə İran və Rusiya arasında ticarət əlaqələrinin genişləndirilməsinə dair deyib: ABŞ-ın təhdidlərinə baxmayaraq, İran və Rusiya arasında ticarət əlaqələri və iqtisadi əməkdaşlıqlar genişlənməkdədir və Moskva gələcəkdə də Tehran ilə ticarət əlaqələrini qoruyacaq. 

Ryabkov İranın neft satışını sıfıra endirməyin imkansız olduğunu deyərək, əlavə edib: ABŞ xüsusilə bu məsələdə beynəlxalq səviyyədə demək olar ki, təcrid olunub. Və dünya ictimaiyyəti nüvə anlaşmasının və İranın neft ixracatının qorunmasını istəyir. 

Rusiya xarici işlər nazirinin müavini əlavə edib: İran bir çox sahədə dünya üçün vacib şərik sayılır və heç kim onu təcrid etmək barədə düşünə bilməz. 

Sergey Ryabkov bazar ertəsi günü İranın xarici işlər nazirinin müavini Seyid Abbas İraqçı ilə görüşüb, danışıqlar aparmaq üçün Tehrana səfər edib. 

Şərh yaz


Məxfi kod
Yenilə