Bazar ertəsi, 05 Noyabr 2018 13:58

İnsana nicat verən 3 əməl. İlahi rəhmətin nişanələri

İnsana nicat verən 3 əməl. İlahi rəhmətin nişanələri

İmam Səccad (ə) buyurur: “Üç şey insanın nicat tapmasına səbəb olar:

1. Dilini insanlar haqqında pis söz danışmaqdan və qeybətdən saxlamaq.

2. Özünü, dünya və axirət üçün faydalı olan işlərlə məşğul etmək.

3. Öz xata və səhvlərinə görə həmişə narahat və ağlar olmaq”.

 

İlahi rəhmətin nişanəsi nədir?

İmam Hüseyn (ə) buyurur: “Allahın əzabının qorxusundan ağlamaq – cəhənnəm atəşindən nicata səbəb olar.

Gözlərin ağlar olması və qəlbin qorxuya malik olması – bəndə üçün İlahi rəhmətin nişanələrindən biridir”.

 

İnsanın saleh əməli üçün lazım olan amilləri tanıyaq.

İmam Cavad (ə) buyurur: “Dörd amil insanın (saleh) əməl yetirməsinə səbəb olar:

1. Salamatlıq.

2. Qüdrətli olmaq.

3. Elm.

4. (Allah tərəfindən olan) tövfiq”. (Həvzəh)

 

Bəs İlahi rizvana necə çataq?

İmam Cavad (ə) buyurur: “Üç şey bəndənin Allah Təala rizvanına çatmasına səbəb olar:

1. Çoxlu istiğfar etmək və peşman olduğunu söyləmək.

2. Təvazö əhli olmaq.

3. Sədəqə vermək və xeyir işlər görmək”.

Şərh yaz


Məxfi kod
Yenilə