Çərşənbə, 10 May 2017 12:23

Qeyb zamanının həqiqi müntəzirləri bütün zamanların insanlarından daha üstündürlər

Qeyb zamanının həqiqi müntəzirləri bütün zamanların insanlarından daha üstündürlər

 İnsanın imtahana çəkilməsi - Uca Allahın mühüm sünnətlərindəndir. Bəşər tarixində müxtəlif formalarda həyata keçmişdir. Bu yolla insanların dini əhkama nə qədər sadiq olduqları müəyyən olmuşdur. İmam Zaman ağanın (ə.f) qeybi də bir imtahandır. Bu İlahi imtahan müxtəlif şəkildə həyata keçir. Bu imtahanda dini qorumaq və onun dəyərini bilmək çox mühümdür. (Erfan)

 

İmam Kazım (ə) buyurur: “O zaman ki, mənim övladlarımın beşincisi qayib olar, dininizlə bağlı çox ehtiyatlı olun. Məbada kimsə sizi dininizdən ayırar”.

İmam Sadiq (ə) buyurur: “Sahibi Əmrin (ə) qarşıda qeybi vardır ki, həmin zamanda dini qorumaq - … ağacının tikanlı budaqlarını əlinlə təmizləməyə bənzər. Kim bu işi əli ilə görə bilər? Ona görə də İlahi hüccətin qeyb zamanında Allah bəndələri gərək təqvaya riayət etsinlər və Allahın dinini buraxmasınlar”.

 

İmam Əli (ə) buyurur: “İmam Əsrin (ə.f) qeybində insanlar ağır heyrətə düşəcəklər, bir dəstə yolunu azacaq və bir dəstə isə çətinliklərə baxmayaraq, hidayətlərində qalacaqlar”.

Bəli, bu hədislərdən belə nəticəyə gəlmək olur ki, qeyb zamanında din və dini dəyərlər insani və əxlaqi mövzularından olacaqdır. Bütün bu çətinliklərə baxmayaraq, bir dəstə öz dinindən əl çəkməyəcəkdir.

Bəli, qeyb zamanında insanın dininə sadiq qalması çətin məsələdir və bu haqda Peyğəmbərimiz (s) belə buyurur: “İnsanlar üçün elə bir zaman gəlib çatacaqdır ki, qəm və qüssələri - ancaq qarınları və dəyərləri - həyat təmtəraqları olacaqdır. Dinləri - sərvət və malları olacaqdır. Bilin ki, onlar ən pis xəlqdirlər və Allah yanında onlar üçün məqam mövcud deyildir”.

Həzrət Peyğəmbər (s) qeyb dövrünün möminləri haqqında buyurur: “Onlardan hər biri etiqadlarını və dinlərini çətinliklə qoruyarlar. Sanki … ağacının tikanlarını əlləri ilə soyarlar. Ya da davamlı atəşi əllərində saxlayarlar”.

İmam Sadiq (ə) bu dövr haqqında buyurur: “Bu cür şəraitdə batil əhli haqq əhlinə hakim olacaqdır. Münkər və pisliklər cəmiyyətdə aşkar müşahidə olacaqdır. Heç kəs onu qadağan etmək cürətinə malik olmayacaqdır. Əgər kimsə münkərə etiraz etsə, hamı onun tərəfdarlığına qalxar. Fasiq insanlar nalayiq işlərində günü-gündən daha həyasız olarlar. Haqqın davamçıları isə xar və kiçik hesab edilərlər”.

Imam Səccad (ə) buyurur: “Məhdinin (ə.f) qeyb zamanında o insanlar ki, Həzrətin (ə.f) imamətinə sadiqdirlər, davamlı olaraq zühurun intizarında olarlar, bütün zamanların insanlarından daha üstündürlər. Çünki Allah onların dərk qüvvəsini o qədər güclü edər ki, qeyb onlar üçün zühur zamanı kimi olar. Onlar ixlas edərlər”.

 

Şərh yaz


Məxfi kod
Yenilə